Կնքաբույսը հայտնի է իր բուժիչ հատկություններով։ Պարունակում է կենսաբանական ակտիվ նյութեր, որոնք օգտագործում են սրտի և արյան անոթների, նյարդային համակարգի, լյարդի ու լեղապարկի հիվանդությունների բուժման համար։

Բույսը համարվում է էնդեմիկ։ Կնքաբույսը հանդիպում է Աբխազիայում և Կրասնոդարի երկրամասում։ Այն պաշտպանված է օրենքով և գրանցված է ՙԿարմիր գրքում՚, ուստի միջոցներ են ձեռնարկվում բույսի մշակման, պահպանման ուղղությամբ։

Հատկությունները. հակամանրէային է, հակասնկային, խոլերետիկ, միզամուղ, հակասպազմոդիկ, ցավազրկող, հանգստացնող միջոց է:

Ենթադրվում է, որ մարդկանց համար առավել արդյունավետ են մի քանի տասնամյակի՝ հին բույսի կոճղարմատից պատրաստված պատրաստուկները։

Կնքաբույսը հավաքվում են գարնանը կամ աշնանը, նախքան առաջին սառնամանիքները:

Դեղորայքային հումք ստանալու համար կոճղարմատը չորացնում են, պահում լավ օդափոխվող տարայի մեջ՝ հեռու արևի լույսից։ Չորացրած բույսից կարող եք պատրաստել բուժիչ թուրմ, թեյ, քսուք և անհրաժեշտության դեպքում քսել ցավոտ կետերին։

Կնքաբույսի հիմնական ակտիվ բաղադրիչները ներառում են ստերոիդ գլյուկոզիդներ, որոնք արդյունավետ օրգանիզմից հեռացնում են վատ խոլեսթերինը: Նշվում է, որ այս բույսի միջոցներն ակտիվորեն օգտագործում են միզասեռական համակարգի դիսֆունկցիայի, իմունիտետի բարելավման, վեգետատիվ-անոթային դիստոնիայի, արթրիտի և անոթային աթերոսկլերոզի դեպքում:

Ստամոքս-աղիքային տրակտի պաթոլոգիաների դեպքում կնքաբույսի միջոցները բարելավում են պերիստալտիկան, ստամոքսահյութի արտազատումն և կանխում փորկապությունը:

Բույսերի կազմը

Գիտնականները կոճղարմատում հայտնաբերել են բազմաթիվ կենսաբանական ակտիվ նյութեր, որոնցից հիմնականներն են ստերոիդ սապոնինները, ֆիտոնսիդները, ֆլավոնոիդները, ճարպի նմանվող նյութերը, ֆերմենտները, ամինաթթուները, B և A վիտամինները, միկրո և մակրո տարրերը:

Կնքաբույս կովկասյանի օգտագործումը բժշկության բնագավառում

Դեղաբույս է. պարունակում է ալկալոիդներ, սապոնիններ և այլն։ Պատրաստուկներն օգտագործվում են որպես միզամուղ, արյունահոսությունը դադարեցնող, ցավը հանգստացնող միջոց։

Իր բուժիչ ազդեցության շնորհիվ բույսի կոճղարմատներն օգտագործում են բուսական պատրաստուկների արտադրության համար։ Դրանցից առավել հայտնի են Պոլիսպոնինը և Դիոսպոնինը։ Սրանք դեղամիջոցներ են, որոնք նվազեցնում են արյան շաքարի և խոլեսթերինի մակարդակը և օգնում կանոնակարգել արյան ճնշումը:

Որոշ տվյալների համաձայն՝ ավանդական դեղորայքային թերապիայի հետ միասին դեղեր ընդունելը կարող է զգալիորեն նվազեցնել աթերոսկլերոզի ախտանիշների սրությունը, նվազեցնել ՙվատ՚ խոլեսթերինի կոնցենտրացիան և կանխել արյան անոթների պատերին խոլեսթերինի սալերի ձևավորումը:

Սրտ-անոթային հիվանդությունների բուժման գործում կնքաբույսի արդյունավետության շնորհիվ այն նշանակում են զարկերակային հիպերտոնիայի, սրտի կորոնար հիվանդության ոչ սուր ժամանակահատվածում, անոթային աթերոսկլերոզի, սրտամկանի ինֆարկտի հետևանքները վերացնելու ժամանակ:

Բացի այդ, հայտնի է, որ կոճղարմատը օգնում է եռորակ նյարդի բորբոքային պրոցեսների դեպքում, նվազեցնում է դեմքի նյարդի նևրիտի ծանրությունը։

Հաճախակի գրգռվածություն և քնի խանգարումներ ունեցող մարդկանց խորհուրդ է տրվում մի քանի ամիս շարունակ օրական երեք անգամ ընդունել կնքաբույս կովկասյանի հիման վրա թուրմ:

Թուրմ՝ պատրաստված է քրոնիկ բորբոքային պրոցեսները բուժելու և մաշկի վրա ալերգիկ ռեակցիաները վերացնելու համար:

Թուրմը պատրաստելու համար բույսի մանրացված կոճղարմատից  50 գ լցնել 300 գ օղու վրա, թողնել մեկ ամիս, զտել։

Ստացված թուրմն ընդունել օրական երեք անգամ, ուտելուց հետո 30 կաթիլ։ Ընդունման կուրսը 2-3 ամիս է։  Հիշեք, որ օգտագործելուց առաջ պետք է խորհրդակցեք ձեր բժշկի հետ, որը կորոշի ձեր անհատական դեղաչափը:

Թուրմ սիրտ-անոթային համակարգի համար. կնքաբույսի արմատը մանրացնում են սրճաղացով, խառնում մեղրի հետ՝ 50 գրամ բույսի և 100 գրամ մեղրի հարաբերակցությամբ։ Ստացված խառնուրդը լցնում են 80 աստիճանի տաք ջրի մեջ և թողնում մեկ ժամ։

Անհրաժեշտության դեպքում մեկ ամսվա ընթացքում ընդունեք օրական 2 անգամ մեկ ճաշի գդալ։

Հոդերի քսուք. օգնում է թեթևացնել ցավը արթրիտի սրացման ժամանակ: Պատրաստելու համար կնքաբույսի 100 գ չորացրած կոճղարմատը խառնեք 300 գ խոզի փորի հալած ճարպի հետ, ապա եփեք ջրային բաղնիքում։ Քսուքը պահեք սառնարանում։

Օգտագործում են որպես քսուք՝ քնելուց կամ հանգստանալուց առաջ: Ավելի մնայուն արդյունքի համար խորհուրդ է տրվում փաթաթել բուժված վերջույթները։ Քսուքի կիրառման ընթացքը կախված է հիվանդի վիճակից, բայց ոչ պակաս, քան երկու շաբաթ:

Կնքաբույսի թեյն օգնում է բարելավել հիշողությունը, նորմալացնում է արյան ճնշումը, վերացնում է գազերը և իջեցնում խոլեսթերինի մակարդակը: